జోరు వాన.. తగ్గని ముసురు.

 జోరు వాన.. తగ్గని ముసురు.

మరో మూడు రోజులు ప్రమాద ఘంటికలు..

మరింత అప్రమత్తంగా ఉండాలని అధికారుల సూచనలు..

15 వరకు తెలంగాణలో రెడ్ అలర్ట్..

తెలంగాణ:

తెలంగాణను భారీ వర్షాలు ఇప్పట్లో వీడేట్టులేవు. ఈ నెల 15 వరకు తెలంగాణలోని కొన్నిచోట్ల అత్యంత భారీ వర్షాలు, మరికొన్ని ప్రాంతాల్లో అతి భారీ వర్షాలు కురుస్తాయని హైదరాబాద్ లోని వాతావరణ కేంద్రం ప్రకటించింది. ఈ మేరకు రాష్ట్రాన్ని రెడ్ అలర్ట్ గా జారీ చేసింది. సిద్ధిపేట, కరీంనగర్, ములుగు, రాజన్న సిరిసిల్ల, జనగామ, సంగారెడ్డి, వికారాబాద్, సూర్యాపేట, కొత్తగూడెం, కామారెడ్డి, హనుమకొండ, మెదక్, వరంగల్, మహబూబాబాద్, పెద్దపల్లి, ఖమ్మం జిల్లాల్లో అతి భారీ వర్షాలు కురుస్తాయని వెల్లడించింది. అదేవిధంగా నిర్మల్, ఆసిఫాబాద్, జయశంకర్ భూపాలపల్లి, నిజామాబాద్, ఆదిలాబాద్, జగిత్యాల, మంచిర్యాల జిల్లాల్లో అత్యంత భారీ వర్షాలు కురుస్తాయని పేర్కొంది. ఓవైపు ఒడిశా పరిసరాల్లో అల్పపీడనం ఏర్పడిందని, దానికి అనుబంధంగా ఉపరితలం ఆవర్తనం విస్తరించి ఉందని హైదరాబాద్ వాతావరణ కేంద్రం వివరించింది.